Galatians 4

Singabantwana bakaNkulunkulu ngoJesu Kristu

1Kodwa ngithi, ngaso sonke isikhathi indlalifa iseyingane, kayehlukananga ngalutho esigqilini lanxa ingumnikazi wakho konke ^a; 2kodwa ingaphansi kwabaphathi ^b lababonisi ^c, kuze kufike isikhathi esamiswa nguyise. 3Ngokunjalo lathi, lapho siseyizingane, sasiyizigqili ^d ngaphansi kwemfundiso zakuqala zomhlaba ^e; 4kodwa kwathi ukuphelela kwesikhathi sekufikile, uNkulunkulu wathuma iNdodana yakhe ^f, yazalwa ^g ngowesifazana ^h, yenziwa ⁱ ngaphansi komthetho ^j, 5ukuze ihlenge abangaphansi komlayo ^k, ukuze semukele ukuma kwabantwana. 6Njengoba lingamadodana ^l, uNkulunkulu wathuma uMoya weNdodana yakhe enhliziyweni zenu ^m, ememeza esithi: Abha*, Baba ⁿ! 7Ngakho kawuseyiso isigqili, kodwa indodana; njalo uba uyindodana, futhi uyindlalifa kaNkulunkulu ngoKristu ^o.

8Kodwa ngalesosikhathi, lingamazi uNkulunkulu ^p, laliyizigqili kulabo ^q abangeyisibo onkulunkulu ngemvelo ^r; 9kodwa khathesi lokhu selimazi uNkulunkulu, yebo kangithi lisaziwa nguNkulunkulu ^s, libuyela njani ^t futhi kumfundiso zakuqala ezibuthakathaka leziyibuyanga ^u, elifuna ukuba yizigqili zazo futhi kakutsha ^v? 10Ligcina izinsuku ^w, lezinyanga ^{x , y} lezikhathi ^z, leminyaka ^aa. 11Ngilovalo ngani ^ab, hlezi ngitshikatshikele ^ac ize kini ^ad.

12Banini njengami, ngoba lami nginjengani, bazalwane, ngiyalincenga; kalingonanga ngalutho ^ae; 13liyazi-ke ukuthi ngobuthakathaka benyama ngatshumayela ivangeli kini ^af ngokokuqala ^ag, 14lokulingwa kwami okwakusenyameni yami kalikudelelanga njalo kalikwenyanyanga, kodwa langemukela njengengilosi kaNkulunkulu ^ah, njengoKristu Jesu ^ai. 15Ngakho sasiyini isibusiso senu ^aj? Ngoba ngiyalifakazela ukuthi, uba kungenzeka ^ak, lalingakhupha amehlo enu linginike ^al. 16Ngakho sengibeyisitha senu ngokulitshela iqiniso yini ^am? 17Bayalitshisekela ngokungekuhle ^an; kodwa bafuna ukulivalela ngaphandle, ukuze litshisekele bona ^ao. 18Kodwa kuhle ukuthi litshisekelelwe kokuhle isikhathi sonke, njalo kungabi sebukhoneni bami lani kuphela ^ap. 19Bantwana bami abancane, engilomhelo futhi wokulizala ^aq aze uKristu ^ar abunjwe ^as kini ^at, 20kodwa bengingathanda ukuba khona lani khathesi, ngiphendule ilizwi lami ^au, ngoba ngididekile ngani ^av.

USara loHagari bayimifanekiso yezivumelwano ezimbili

21Ngitshelani, lina elithanda ukuba ngaphansi komlayo, kaliwuzwa yini umlayo? 22Ngoba kulotshiwe ukuthi uAbrahama wayelamadodana amabili; enye ingeyesigqilikazi ^aw, lenye ingeyokhululekileyo ^ax. 23Kodwa eyesigqilikazi yazalwa ngokwenyama ^ay, kodwa eyokhululekileyo ngesithembiso ^{az , ba}. 24Okuyizinto ezingumzekeliso; ngoba laba bayizivumelwano ezimbili; esinye esentabeni iSinayi ^{bb ,} ▼

▼ iSinayi: Gr.  iSina.

, esizalela ebugqilini, esinguAgari ^bd. 25Ngoba lokhu, uAgari, kuyintaba iSinayi eseArabhiya ^be, njalo imele iJerusalema yalamuhla, futhi iyisigqili kanye labantwana bayo ^bf. 26Kodwa iJerusalema ephezulu ikhululekile, engumama wethu sonke ^bg; 27ngoba kulotshiwe ukuthi: Thokoza, wena nyumba engazaliyo; kekela umemeze, wena ongawuzwanga umhelo; ngoba abantwana botshiyiweyo banengi okwedlula kakhulu kulaye olendoda ^bh. 28Kodwa thina, bazalwane, njengoIsaka ^bi singabantwana besithembiso ^bj. 29Kodwa njengakulesosikhathi owazalwa ngokwenyama wamzingela yena ongowakoMoya ^bk, kunjalo lakhathesi ^bl. 30Kodwa umbhalo uthini ^bm? Uthi: Xotsha isigqilikazi lendodana yaso; ngoba indodana yesigqilikazi kayisoze idle ilifa kanye lendodana yokhululekileyo ^bn. 31Ngakho, bazalwane, kasisibo abantwana besigqilikazi, kodwa bokhululekileyo ^bo.